မြင်းခြံတွင် ယာဥ်ထိန်းရဲ ၁ ဦး သေနတ်ပစ်ခံရပြီး သေ ဆုံး
ရန်ကုန်၊ ဇွန် ၁၈
မြင်းခြံမြို့၊ အမှတ်၁၉ စွန်းလွန်းရပ်ကွက် ရတနာမိုးစတိုးဆိုင် အနီး ယနေ့ နံနက် ၁၁ နာရီ ၅၀ မိနစ်အချိန် ယာဥ်ထိန်းရဲ တစ်ဦးသေနတ်ဖြင့်အပစ်ခံရ သေဆုံး သွားကြောင်း ဒေသသတင်းရင်းမြစ် မြင်းခြံ News ၏ သတင်းဖော်ပြချက်နှင့် ဒေသခံများ၏သတင်းပေးပို့ချက်အရ သိရှိရသည်။
မြင်းခြံ Zero ပြောက်ကျားအဖွဲ့ကလည်း ယာဥ်ထိန်းရဲ ၁ ဦး ပစ်ခတ်ခံရကြောင်း ၄င်းတို့၏လူမှုကွန်ရက်စာမျက်နှာတွင် ဖော်ပြထားသည်။
လက်ရှိအချိန်တွင် အကြမ်းဖက်စစ်ကောင်စီတပ်ဖွဲ့ဝင်များ အခင်းဖြစ်ရာနေရာသို့ ရောက်ရှိနေပြီး လမ်းများပိတ်ကာ ရှာဖွေစစ်ဆေးနေသည်ဟု ဒေသခံများ၏ ပြောဆိုချက်အရ သတင်းရရှိသည်။
Photo - CJ
တာမွေတွင် ဗုံးပေါက်ကွဲမှုများ ဆက်တိုက် ဖြစ်ပွားပြီး စစ်ကားတစ်စီး မီးလောင်ပျက်စီးကာ စစ်သားတချို့ထိခိုက် သေဆုံးမှု ရှိဟု သိရ
ဇွန် ၁၈
တာမွေမြို့နယ်တွင် ဒီကနေ့ ညနေ ၃ နာရီခွဲဝန်းကျင်က ဝန်းကျင်က ဗုံးကွဲမှု ဖြစ်ပွားခဲ့ပြီး စစ်သားတချို့လည်း ထိခိုက်သေဆုံးနိုင်တယ်လို့ သိရပါတယ်။
၁၄၇ လမ်းအနီးရှိ ကြံ့ဖွံ့ပါတီရုံးအနီး လုံခြုံရေးယူ ထားတဲ့ စစ်ကားပေါ်မှာ ပေါက်ကွဲမှု ဖြစ်ကာ စစ်ကား မီးလောင်ပျက်စီးသွားပြီး စစ်သားတချို့လည်း ထိခိုက် သေဆုံးမှု ရှိတယ်လို့ သတင်းတွေက ဆိုပါတယ်။
မရှေးမနှောင်းမှာပဲ ၁၅၅ လမ်းမှာလည်း တက္ကစီတစ်စီးပေါ်မှာ ဗုံးပေါက်ကွဲ ခဲ့ပြီး တစ်ဦးသေ၊ တစ်ဦးလက်ပြတ်ခဲ့တယ်လို့ သိရပါတယ်။ စခန်း ၄၀ နားမှာလည်း ဗုံးထပ်မံ
ပေါက်ကွဲခဲ့ကြောင်း သိရပေမယ့် ထိခိုက်မှု အခြေအနေကိုတော့ မသိရသေးပါဘူး။
ယာဉ်အမှတ် ၆၅၆၅ Faw ယာဉ်မှာ မီးလောင် ခဲ့ပြီး ရတဖ(၂၆) မှ ဒုရဲအုပ် ဇေယျာနှင်းဦး(သေဆုံး)၊ မင်္ဂလာဒုံတပ်နယ်မှ တကက ကိုကိုမောင် (ဒဏ်ရာစိစစ်ဆဲ၊ စိုးရိမ်ရ)၊ တသ ဟိန်းခန့်ဇော် (ဒဏ်ရာစိစစ်ဆဲ၊ စိုးရိမ်ရ)၊ တသ နေလင်းကိုကို(ဒဏ်ရာစိစစ်ဆဲ၊ စိုးရိမ်ရ)၊ တက အောင်နိုင်ထွေး (ဒဏ်ရာစိစစ်ဆဲ၊ မစိုးရိမ်ရ)နှင့် ရတဖ(၂၆)မှ ရဲတသ ဟိန်းမင်းဦး (ဒဏ်ရာစိစစ်ဆဲ၊ မစိုးရိမ်ရ)၊ ရဲဒုတက အောင်သူ(ဒဏ်ရာစိစစ်ဆဲ၊ မစိုးရိမ်ရ)တို့ ရရှိခဲ့ကြောင်း၊ ၎င်းအနီးရှိ Vitz ယာဉ်ပေါ်တွင် ပေါက်ကွဲခဲ့သဖြင့် ကျား(၁)ဦးသေဆုံး၊ ကျန် ကျား(၁)ဦး ဒဏ်ရာစိစစ်ဆဲ၊ စိုးရိမ်ရ
သင်္ဃန်းကျွန်းမြို့နယ်၊ ငမိုးရိပ် ၅ လမ်းရှိ ရပ်ကွက်အုပ်ချုပ်ရေးမှူးရုံး ဗုံးပေါက်၊ စစ်သား ၁ ဦးနှင့် သတင်းပေး ၂ ဦး ဒဏ်ရာရဟုဆို၊ လှိုင်သာယာတွင်လည်း ဗုံး ၅ လုံးထက်မနည်းကွဲ စစ်သား ၂ ဦး ဒဏ်ရာရ
ရန်ကုန်၊ ဇွန် ၁၈
ရန်ကုန်တိုင်း သင်္ဃန်းကျွန်းမြို့နယ်၊ ငမိုးရိပ် ၅ လမ်းရှိ ငမိုးရိပ်ရပ်ကွက် အုပ်ချုပ်ရေးမှူးရုံးတွင် ယနေ့ ညနေ ၆ နာရီ ၂၆ မိနစ်အချိန် ဗုံးပေါက်ကွဲပြီး စစ်သား ၁ ဦးနှင့် ရပ်ကွက်အုပ်ချုပ်ရေးရုံးတွင် လာရောက်ရုံးထိုင်နေသည့် ဒလန်သတင်းပေး ၂ ဦး ဒဏ်ရာရရှိကြောင်း ဒေသခံများက ရန်ကုန်ခေတ်သစ်သတင်းဌာနသို့ ပြောဆိုသည်။
"လူနာတင်ကားတွေနဲ့ ၃ ဦး ခေါ်သွားတယ်။ စစ်သား ၁ ဦး လဲကျနေတယ်။ ရပ်ကွက်ရုံးမှာ လာပြီးတော့ ရုံးထိုင်တဲ့ ဒလန်သတင်းပေး ၂ ဦးကတော့ ဒဏ်ရာရတယ်။ ဒါပေမယ့် မစိုးရိမ်ရလောက်ဘူး။ ၂ ဦးက လမ်းလျှောက်နိုင်သေးတယ်။ ဗုံးပေါက်သံကတော့ အူထွက်သွားတာပဲ" ဟု ဒေသခံတစ်ဦးက ပြောဆိုသည်။
လက်ရှိတွင် အကြမ်းဖက်စစ်ကောင်စီတပ်ဖွဲ့ဝင်များ ရောက်ရှိနေပြီး စစ်ဆေးမှုများ လုပ်ဆောင်နေသည်ဟု သိရှိရသည်။
အလားတူ လှိုင်သာယာမြို့နယ်တွင် ယနေ့ မွန်းလွဲ ၂ နာရီက ဗုံး ၅ လုံးထက်မနည်း ပေါက်ကွဲခဲ့ပြီး စစ်သား ၂ ဦး အနည်းငယ် ထိခိုက်ဒဏ်ရာရရှိကြောင်း ဒေသခံများထံမှ သိရှိရသည်။
ဓာတ်ပုံ- ငမိုးရိပ် ၅ လမ်းရှိ ငမိုးရိပ် ရပ်ကွက်ရုံးဗုံးပေါက်ကွဲစဉ်။
Photo Credit- CJ