မိုးဗြဲတွင် ဒုတိယနေ့အဖြစ် ပြည်သူပိုင် နေအိမ်များကို အကြမ်းဖက်စစ်ကောင်စီတပ်များက မီးရှို့ဖျက်ဆီး
ရန်ကုန်၊ ဇွန် ၇
ရှမ်းပြည်နယ်နှင့်ကယားပြည်နယ် နယ်စပ်၊ မိုးဗြဲတွင် ဒုတိယနေ့အဖြစ် အကြမ်းဖက်စစ်ကောင်စီတပ်က ပြည်သူနေအိမ်များကို မီးရှို့ခြင်း၊ ဖျက်ဆီးခြင်း၊ လက်နက် ကြီး များဖြင့် ပစ်ခတ် ဖျက်ဆီးခြင်းများ ဆောင်ရွက်ခဲ့ကြောင်း ဒေသခံပြည်သူများက ပြောဆိုသည်။
အကြမ်းဖက်စစ်ကောင်စီတပ်များသည် ဇွန်လ ၆ ရက်နေ့ နံနက်ပိုင်းမှစတင်ပြီး ပြည်သူပိုင်အိမ်များကို မီးရှို့ခြင်း၊ လက်နက်ကြီးဖြင့် ပစ်ခတ်ခြင်း၊ ပြည်သူပိုင်များ လုယူ ခိုးယူခြင်းများကို ပထမနေ့အဖြစ် ဆောင်ရွက်ခဲ့ကြောင်း ဒေသခံများက ဆိုကြသည်။
အကြမ်းဖက်စစ်ကောင်စီက မြို့ရွာ နေအိမ်များ၊ ရပ်ကွက် များကို အကာအကွယ်ယူ တိုက်ခိုက်နေမှုများကို ချေမှုန်းမည်ဖြစ်ကြောင်း ဇွန်လ ၄ ရက်နေ့တွင် တရားဝင်ထုတ်ပြန်ကြေညာခဲ့ပြီးဖြစ်သည်။
Source Khit Thit
