ဒီမော့ဆိုတွင် အပြစ်မဲ့ပြည်သူ စောဘဲလခရင်းဟဲကို အကြမ်းဖက်စစ်တပ်က ပစ်သတ်သွား
ကယားပြည်နယ်၊ ဒီမော့ဆိုမြို့နယ်တွင် အပြစ်မဲ့ပြည်သူ စောဘဲလခရင်းဟဲကို အကြမ်းဖက်စစ်တပ်က ဇွန်လ ၁၁ ရက်နေ့ နံနက်ပိုင်းတွင် ပစ်သတ်သွားကြောင်း ဒေသခံများက ပြောဆိုသည်။
ဒီမော့ဆိုမြို့နယ်၊ ဇွန်လ ၁၁ ရက်နေ့ နံနက်ပိုင်းတွင် စောဘဲလ်ခရင်းဟဲ(ခ) ခွန်းဘဲဘဲ အသက် ၂၀ နှစ်သည် ဒေါတခေါက်ရွာနှင့်ပဒန်းခို ရွာ အကြား ထော်လာဂျီတစ်စီးကို ကူတွန်းပေးနေစဉ် အကြမ်းဖက်စစ်တပ်က ပစ်ခတ်သတ်ဖြတ်သဖြင့် ကျည် ၂ ချက်ထိမှန်ပြီး နေရာတွင်ပင် ပွဲချင်းပြီး သေဆုံးကြောင်း၊ ထော်လာဂျီပေါ်တွင် လိုက်ပါသည့် ကလေးနှစ်ဦးလည်း ပစ်ခတ်ခံရပြီး အခြေအနေ အသေးစိတ် မသိရှိရသေးကြောင်း ဒေသခံတစ်ဦးထံမှ သိရှိရသည်။
"ရင်ဘတ် နှစ် ချက် ပစ် ခံရတယ်။ ဒီနေ့ မနက်ပိုင်း။ အမေက ဘုရားအလိုတော်ပါတဲ့။ အဖေက အားတင်းထားပါဂေ တဲ့။ နေ့လည်လောက် အလောင်း ရှာတွေ့ပြီးသယ်လာ သဂြိုလ် ပြီးပါပြီတဲ့" ဟု ဒေသခံတစ်ဦးကဆိုသည်။
အကြမ်းဖက်စစ်ကောင်စီတပ်များသည် ဒီမော့ဆိုတွင် အရပ်သားများကို ပစ်သတ်ခြင်း၊ ပြည်သူ ပိုင် နေအိမ်များကို ဖျက်ဆီးခြင်းများ အပါအဝင် စစ်ရာဇဝတ်မှုများ ဆက်တိုက်ဆိုသလို ကျူးလွန်လျက်ရှိကြောင်း ဒေသခံများထံမှ သိရှိရသည်။
ကချင်ပြည်နယ် မြစ်ကြီးနား– တနိုင်း-လီဒိုလမ်းတစ်လျှောက်နှင့် အခြားသွားလာနိုင်သည့်လမ်းကြောင်းတစ်လျှောက် ည ၇ နာရီမှ နံနက် ၅ နာရီအတွင်း ခရီးသွားလာမှု မပြုကြရန် KIAက သတိပေးချက်တစ်စောင် ဇွန်လ ၁၁ ရက်နေ့ နေ့စွဲဖြင့် ထုတ်ပြန်ကြေညာသည်။
ဘားအံမှာ ဗုံး ၄ လုံးထက်မနည်းပေါက်ကွဲ၊ ထိခိုက်သူမရှိ
ကရင်ပြည်နယ်၊ ဘားအံမြို့နယ်တွင် ယနေ့ နံနက်ပိုင်း ဗုံး ၄ လုံးထက်မနည်း ပေါက်ကွဲခဲ့ပြီး ထိခိုက်ဒဏ်ရာရရှိသူမရှိကြောင်း ဒေသခံများက ရန်ကုန်ခေတ်သစ်သတင်းဌာနသို့ ပြောဆိုသည်။
"ဒီနေ့ မနက် ၆ နာရီကျော်လောက်ကစပြီး ဗုံးတွေ တစ်လုံးပြီး တစ်လုံးကွဲတယ်။ မှတ်မှတ်ရရဆိုရင် ၆ နာရီ ၄၅ မှာ တတိယအကြိမ် ဗုံးဆိုရင် အတော်သံကျယ်တယ်။ အသံဗုံးတွေလားမသိဘူး။ အသံကတော့ အတော်ကျယ်။ လူထိခိုက်တာမျိုးတော့ မကြားမိသေးဘူး။ ရဲနဲ့ စစ်သားတွေတော့ နေရာအနှံ့ချပြီး စစ်ဆေးနေတာတွေတော့ တွေ့တယ်" ဟု ဒေသခံတစ်ဦးက ရန်ကုန်ခေတ်သစ်သတင်းဌာနသို့ ပြောဆိုသည်။
ဘားအံမြို့၊ မော်တော်ပီကယ်ရုံး၊ ကညနရုံး၊ အထက ၃ အနီး အပါအဝင် နေရာတချို့တွင် ဗုံးများပေါက်ကွဲပြီး မပေါက်ကွဲသေးသည့် ဗုံးတချို့လည်း ဖမ်းဆီးရမိကြောင်း သိရှိရသည်။
တိုက်ပွဲများေကြာင့် စစ်ကောင်စီတပ်ဖွဲ့ဖက်မှ ၁၆၅ ဦးသေဆုံးပြီး CDF အဖွဲ့နှင့် အရပ်သားပေါင်း ၃၉ ဦးကျဆုံး
၂၀၂၁ ခုနှစ်ဧပြီလ ၂၄ မှ ဇွန်လ ၁၁ ရက်နေ့အထိ ချင်းြပည်နယ်အတွင်း စစ်ကောင်စီတပ်ဖွဲ့နှင့် ချင်းြပည်ကာကွယ်ရေး(CDF)အဖွဲ့အကြား တိုက်ပွဲဖြစ်ရာ စစ်ကောင်စီတပ်ဖွဲ့ဘက် မှ ၁၆၅ ဦးသေဆုံးပြီး CDF နှင့် အရပ်သား ၃၉ ဦးကျဆုံးကြောင်း Chinland Defense Force အဖွဲ့က ယနေ့ ဇွန်လ ၁၁ ရက်နေ့တွင် သတင်းထုတ်ပြန်ထားသည်။
၂၀၂၁ ခုနှစ် ဧပြီလ ၂၄ ရက် မှ ဇွန်လ ၁၀ ရက်နေ့အထိ ချင်းပြည်နယ်အတွင်း စစ်ကောင်စီစစ်တပ်နှင့် Chinland Defense Force အကြား တိုက်ခိုက်မှုကြောင့် CDF အဖွဲ့၊ ချင်းပြည်သူများ ကျဆုံး၊ ထိခိုက်ဒဏ်ရာရသူများစာရင်း နှင့် စစ်ကောင်စီ စစ်တပ် စစ်သားများမှ သေဆုံးသည့် အရေအတွက်ကို Chinland Defense Force ၎င်းတို့၏ လူမှုကွန်ရက်စာမျက်နှာတွင် ထုတ်ပြန်ထားသည်။
ထန်တလန်မြို့နယ် ကျေးရွာတစ်ချို့တွင် မနေ့ဇွန်လ ၁၀ ရက်နေ့တွင် စစ်ကောင်စီစစ်တပ်နှင့်ဒေသခံCDFအဖွဲ့ တိုက်ပွဲဖြစ်ခြင်းေကြာင့် ယခုတွင် ရွာခံပြည်သူများ ကိုယ့်ကျေးရွာကိုစွန့်ခွာြပီးတောတောင်တွင် တောခိုနေကြရသည်။
Photo Crd
