စမ်းချောင်းမြို့နယ်တွင် ရပ်ကွက်အုပ်ချုပ်ရေးမှူးတစ်ဦး သေနတ်ဖြင့် ပစ်ခံရ
ရန်ကုန်မြို့၊ စမ်းချောင်းမြို့နယ်တွင် စစ်ကောင်စီခန့် အုပ်ချုပ်ရေးမှူး ဦးမောင်မိုးကို ယနေ့ (ဇွန်လ ၁၇) နံနက် ၁၀ နာရီခွဲခန့်တွင် အမည်မသိသူများက သေနတ်ဖြင့် လာရောက်ပစ်ခတ်သွားကြောင်း ရပ်ကွက် နေပြည်သူတစ်ဦးက ပြောသည်
"သံတံတားလမ်းမှာ နေတဲ့ အုပ်ကြီးအိမ်ကို သေနတ်နဲ့ လာပစ်သွားတာပါ။ သေနတ်သံ နှစ်ချက်တော့ ကြားလိုက်တယ်။ ခုတော့ ဆေးရုံကားတွေ ရောက်လာပြီး အုပ်ကြီးကို ခေါ်သွားပါတယ်။ အုပ်ကြီးက တော့ နားရွက်ထိသွားတယ် ကြားတယ်။ ဒဏ်ရာအခြေအနေတော့ သေချာမသိရဘူး " ဟု ၎င်းက ပြောသည်။
လက်ရှိတွင် အကြမ်းဖက်စစ်ကောင်စီ တပ်ဖွဲ့ဝင်များ ရောက်ရှိလာကာ စမ်းချောင်းလမ်းတစ်လျှောက် ဖြတ်သန်းသွားသည့် အိမ်စီးကားများကို စစ်ဆေးနေကြောင်း ရပ်ကွက်နေပြည်သူများက ပြောသည်။
စစ်ကောင်စီခန့် သံတတားရပ်ကွက်အုပ်ချုပ်ရေးမှူးဦးမောင်မိုးသည် မူးယစ်ဆေးဝါးမှုဖြင့် ထောင်ကျခဲ့ သူတစ်ဦးဖြစ်သည်ဟု ရပ်ကွက်နေပြည်သူတစ်ဦးက ပြောသည်။
ဓာတ်ပုံ-CJ
ရပ်ကွက်ဥက္ကဋ္ဌ သေဆုံးမှုနှင့် ပတ်သက်ပြီး လှိုင်သာယာမြို့နယ်တွင်း လူငယ်များ ဖမ်းဆီးခံရ
ယမန်နေ့ နံနက်က လှိုင်သာယာမြို့နယ် အမှတ် (၁၃)ရပ်ကွက် အုပ်ချုပ်ရေးမှူး သေဆုံးခြင်းနှင့်ပတ်သက်ပြီး အခင်းဖြစ်ပွားရာ ပတ်ဝန်းကျင်ရှိ တက္ကသိုလ် ကျောင်းသူ ၂ ဦးကို စစ်ကောင်စီ တပ်ဖွဲ့က ဖမ်းဆီးခေါ်ဆောင်သွားသည်။
ထို့ပြင် အဆိုပါ ကျောင်းသူ ၂ ဦး ဖမ်းဆီးခံရသည့်အ ကြောင်း လူမှုကွန်ရက်ပေါ် ဖြန့်ဝေပေးခဲ့သော နောက်ထပ် ကျောင်းသူတစ်ဦးနှင့် ရပ်ကွက်ဥက္ကဌ အသတ်ခံရမှုကို မှတ်တမ်းပုံရိုက်၍ Facebook ပေါ်တင်ခဲ့သည်ဟုဆို သော ကျောင်းသားတစ်ဦးကို ထပ်မံဖမ်းဆီးသွားခဲ့သည်။
ဖမ်းဆီးခံရသူများ ( ကျောင်းသူ ၃ ဦးနှင့် ကျောင်းသား ၁ ဦး) အား ယခုချိန်ထိ မည်သည့်နေရာတွင် ဖမ်းဆီးထိန်းသိမ်းထားကြောင်း မသိရသေးပေ။
လှိုင်သာယာမြို့နယ်သည် ရန်ကုန်တိုင်းဒေသကြီးအတွင်း စစ်အုပ်ချုပ်ရေး ကြေညာခြင်းခံထားရသည့် မြို့နယ် ၆ ခုအနက် တစ်ခုဖြစ်သည်။
Burma Associated Press
ဓာတ်ပုံ- HTY Information
