စမ်းချောင်းသတိ 🚨🚨
၂၅ .၉.၂၁ ( စနေနေ့ ) #ယနေ့မနက်အစောပိုင်းတွင်ဖြစ်ပွားခဲ့သောမြေနီကုန်းဖြစ်စဥ္အကျဥ္း
မြေနီကုန်း မြ၀တီလမ်းတွင်ဖြစ်ပွားခဲ့သော ပစ်ခတ်မှုတွင် မျက်မြင်သက်သေတစ်ဦး၏ ပြောပြချက်အရ ယနေ့မနက်စောပိုင်း ၁၂နာရီကျော်ကျော်လောက်တွင် မြေနီကုန်း ရှမ်းကုန်းလမ်းမှ DC တစ်စီး တိတ်တဆိတ်၀င်ရောက်လာကာ ရှမ်းကုန်းလမ်းတွင်ရှိသော YES Hair Saloon အကျော်ပြည်လမ်းမဘက်ရှိ လုံးချင်းတိုက်နားတွင်ရပ်ပြီး မြ၀တီလမ်းထဲသို့ လူနှစ်ဦး တိတ်တဆိတ်၀င်ရောက်သွားပါသည်။ မကြာခင် ထို DC သည် ရှမ်းကုန်းလမ်းမှ ၁:၂၀ ၀န်းကျင်ခန့်တွင် တိတ်တဆိတ် ပြန်လည်ထွက်ခွါပြီး ၁:၃၀ ခန့်တွင် အင်အား အလုံးရင်းဖြင့် ပြန်လည်၀င်ရောက်လာကာ YES Hair Saloon နားက လုံးချင်းတိုက်နားတွင် ကားရပ်ပြီး လူတစ်ဦးမှ စကားပြောစက်ဖြင့် ညွှန်ကြားမှုများပေးကာ မကြာခင်မှာပဲ သေနတ်သံများစတင်ကြားရပါသည်။ ထိုပစ်ခတ်မှုကို စခများဘက်မှ စတင်ပစ်ခတ်တာဖြစ်ပြီးတော့ ပစ်ခတ်ချိန်ကြာမြှင့်မှုမှာ ၁၅ - ၂၀ မိနစ် ကြာမြှင့်ကာ လမ်းမပေါ်သို့ပင် ကျည်ကျသံကြားများပင် ကြားခဲ့ရပါသည်။ မြ၀တီလမ်းရှိ တိုက်တံခါး၏ ရိုက်ချိုးသံများလဲ ကြားခဲ့ရပြီး အေ၀းမှ ပြန်လည်ပစ်ခတ်သံ ၂ ချက် ၃ ချက်မျှ ကြားရသော်လည်း စခများဘက်မှ အနည်းဆုံး ၁၅ ချက်ခန့်ဆက်တိုက် ပစ်ခတ်ခဲ့ကြောင်း မျက်မြင်သက်သေတစ်ဦးမှ ပြောပြလာပါသည်။ စခဘက်မှ အတွဲလိုက် ဆက်တိုက်ပစ်ခတ်မှုသည် ၁:၄၅ ခန့်တွင် အသံများတိတ်သွားပြီး ၂ : ၁၈ မိနစ်ခန့်တွင် တစ်ချက်တည်းသော အနီးကပ်ပစ်သံ တစ်ခု ထွက်ပေါ်လာကာ ထိုသို့ ပစ်ခတ်ပြီး မကြာခင်တွင် ဆေးရုံကားတစ်စီး ပြည်လမ်းအတိုင်း မြ၀တီလမ်းဘက်သို့လာပြီး တစ်ခုခုတင်ဆောင်၍ ပြည်လမ်းအတိုင်းပင်ပြန်လည်ထွက်ခွါကာ ပြည်လမ်းမပေါ်တင်ပင် အသံပျောက်သွားပါသည်။
ထို့နောက် ၂: ၃၀ ခန့်တွင် Faw ကားတစ်စီးထပ်ရောက်လာပြီး ပစ္စည်းတင်ချသံများကြားရပါသည်။
ဖြည့်စွက်- ဤဖြစ်စဥ္သည် စခများ တိတ်တဆိတ် ၀င်ရောက်စီးနင်းသည့်ဖြစ်စဥ္ဖြစ်ပြီး PDF ရဲဘော် ၃ ဦး ကျဆုံးကြောင်း သတင်းရရှိပါသည်။
ယခုဖြစ်စဥ်သည် ၈ လပိုင်းက မြေနီကုန်းရှမ်းကုန်းလမ်းတွင် New Life Gym အား ၀င်စီးခဲ့သော ဖြစ်စဥ္နှင့် ဆင်တူနေကြောင်း မျက်မြင်သက်သေမှ ပြောကြားထားပါသည်။
အောက်တွက် မြ၀တီလမ်း မြေပုံအကြမ်းအား ရေးပြထားပါသည်။
=====
မြေနီကုန်းတံတားအဆင်းတွင် လူငယ် ၃ ဦးကို အကြမ်းဖက်စစ်ကောင်စီတပ်က လမ်းမပေါ်တွင် သေနတ်ဖြင့် တေ့၍ ပစ်ခတ်သတ်ဖြတ်ပြီး သွေးအိုင်ထဲလဲနေစဉ် စစ်ဖိနပ်ဖြင့် ၀ိုင်းဝန်း ကန်ကျောက်သတ်ဖြတ်
ရန်ကုန်၊ စက်တင်ဘာ ၂၅
ရန်ကုန်တိုင်း၊ စမ်းချောင်းမြို့နယ်၊ မြေနီကုန်းတံတားအဆင်းတွင် မြ၀တီလမ်းမှ လူငယ် ၃ ဦးကို အကြမ်းဖက် စစ်ကောင်စီတပ်က စက်တင်ဘာလ ၂၅ ရက်နေ့ နံနက် ၁ နာရီ ၃၀ မိနစ်တွင် လမ်းမပေါ်တွင် သေနတ်ဖြင့် တေ့၍ ပစ်ခတ်သတ် ဖြတ်ခဲ့ပြီး သွေးအိုင်ထဲ လဲနေစဉ် စစ်ဖိနပ်ဖြင့် ၀ိုင်းဝန်းကန်ကျောက် သတ်ဖြတ်ခဲ့ကြောင်း ရန်ကုန်ခေတ်သစ်က ရရှိထားသော ဗီဒီယိုဖိုင်အထောက်အထားနှင့် ဒေသခံများ၏ ပြောဆိုချက်အရ သိရှိရသည်။
မြေနီကုန်းတံတားအဆင်း မြ၀တီလမ်းအတွင်းသို့ စက်တင်ဘာလ ၂၅ ရက်နေ့ နံနက် ၁ နာရီဝန်းကျင်တွင် အကြမ်းဖက်စစ်ကောင်စီတပ်ကားများ ဝင်ရောက် လာပြီး တိုက်ခန်းတစ်ခုပေါ်မှ လူငယ် ၃ ဦးကို ဆွဲချကြောင်း၊ ယင်းနောက် လမ်းမပေါ်တွင်ပင် သေနတ်ဖြင့် ပစ်သတ်ဖြတ်ပြီး လဲနေသူ လူငယ် ၃ ဦးကို စစ်ဖိနပ်များဖြင့် ၀ိုင်းဝန်း ကန်ကျောက်နေသည်ကို ဗီဒီယိုဖိုင် သက်သေများတွင် မြင်တွေ့ရသည်။
"အပြန်အလှန် ပစ်ခတ်မှုမဟုတ်ဘူး။ စစ်တပ်က ပစ်ခတ်ပြီး လိုက်ဖမ်းတာ။ လူငယ် တွေကို မိတာတော့ အရှင်ပဲ။ သေနတ်နဲ့တစ်ချက်ချင်း ပစ်သတ်တာပါ" ဟု ယင်းဖြစ်စဉ်ကို မျက်မြင်တွေ့ရှိရသူက ပြောသည်။
(ရန်ကုန်ခေတ်သစ်အနေဖြင့် ရရှိထားသော ဗီဒီယို သက်သေအထောက်အထားကို ရိုက်ကူးသူ၏ လုံခြုံရေးအရ ထုတ်ပြန်နိုင်ခြင်းမရှိပေ။)
ဓာတ်ပုံ- စစ်ကောင်စီ၏ အကြမ်းဖက် စစ်သားတစ်ဦး။ Photo Credit - Reuters။
====
မြေနီကုန်းတံတားအဆင်း ဘေးနေရာတွင် စစ်တပ်က လူငယ် ၃ ဦးကို ဘယ် လို ရက်ရက်စက်စက် ပစ်ခတ် ညှဉ်းပန်း နှိပ်စက် သတ်ဖြတ်ခဲ့သလဲ(ရုပ်/သံ)
By ရန်ကုန်ခေတ်သစ်
ရန်ကုန်တိုင်း၊ စမ်းချောင်းမြို့နယ်၊ မြေနီကုန်းတံတားအဆင်းတွင် အကြမ်းဖက်စစ်တပ်က လူ ငယ် ၃ ဦးကို တိုက်ခန်းပေါ်မှ ဆွဲချလာကာ စက်တင်ဘာလ ၂၅ ရက်နေ့ နံနက် ၁ နာရီ ၃၀ မိနစ်တွင် လမ်းမပေါ်တွင် သေနတ်ဖြင့် တေ့၍ ပစ် ခတ်သတ် ဖြတ်ခဲ့ပြီး သွေးအိုင်ထဲ လဲနေစဉ် စစ်ဖိနပ်ဖြင့် ဝိုင်းဝန်းကန်ကျောက် သတ်ဖြတ်ခဲ့သည်။
လူငယ် ၃ ဦးကို မြေနီကုန်းတံတားအဆင်း ဘေးနေရာ ကတ္တရာလမ်းမပေါ်တွင် သေနတ်ဖြင့် ပစ်ခတ်ခြင်း၊ လဲကျနေပြီး သွေးအိုင်ထဲတွင် မသေမရှင်ဖြစ်နေသော လူငယ်များကို ပလက်ဖောင်းနှင့်ခေါင်းကို အကြမ်းဖက်စစ်သားတစ်ဦး အကြိမ်ကြိမ်ကန်၍ ညှဉ်းပန်းနှိပ်စက်ခြင်း အပါအဝင် ဖြစ်စဉ် အသေးစိတ်ကို ဗီဒီယို သက်သေ အထောက်အထားများ ရရှိထားသည်။
မြေနီကုန်းတံတားအဆင်းဘေးလမ်းမပေါ်တွင် လူငယ် ၃ ဦးကို ရက်ရက် စက်စက် သတ်ဖြတ်မှုကို အကြမ်းဖက် စစ်ကောင်စီတပ်သားများက ကျူးလွန်ခြင်းဖြစ်ကြောင်း အဆိုပါဖြစ်စဉ်ဖြစ်ပွားချိန် တံတားပေါ်တွင် ရှိနေသည့် လုံခြုံရေးဝန်ထမ်းတစ်ဦးက ရန်ကုန်ခေတ်သစ်သို့ အတည်ပြုပြောသည်။
" လူငယ်တစ်ဦးက ဖမ်းလာချိန်မှာ ခေါင်းနဲ့ နံရံနဲ့ အဆောင့်ခံထားရတော့ လမ်းပေါ်ရောက်တော့ မလှုပ်တော့ဘူး။ နောက်လူငယ်တစ်ဦးက ပလက်ဖောင်းဘေးမှာ လဲပြီး ခွေခွေလေး၊ နည်းနည်းလေး လှုပ်သေးတယ်။ အဲဒါကို ပလက်ဖောင်းနဲ့ ခေါင်းကို ပြေးကန်တယ်။ ကန်တာက စစ်သား၊ ရဲမဟုတ်ဘူး။ ၄ ချက်လောက် ကန်လိုက်တော့ သူလည်း ငြိမ်ကျသွားတယ်" ဟု အဆိုပါ လုံခြုံရေးဝန်ထမ်းက ပြောသည်။
ထိုလုံခြုံရေးဝန်ထမ်းက ၎င်း၏ လုံခြုံရေးအတွက် အသေးစိတ်အချက်အလက်များမပြောလိုဘဲ လူငယ် ၃ ဦး ရက်စက်စွာ ပစ်ခတ်သတ်ဖြတ်ခြင်း ဖြစ် ကြောင်း၊ အပြန်အလှန် ပစ်ခတ်မှုမရှိဘဲ အသတ်ခံရခြင်းကိုသာ ပြောဆိုသည်။
ရန်ကုန်ခေတ်သစ်က ရရှိထားသော ဗီဒီယိုများအရ လမ်းဘေးတွင် လူငယ် ၃ ဦးကို လမ်းဘေးတွင် ပစ်ခတ် ညှဉ်းပန်း နှိပ်စက်ပြီးမှ အလောင်းများကို အိမ်စီးကားများဖြင့် စစ်ကောင်စီက တင်ဆောင်သွားခြင်းဖြစ်သည်ကို တွေ့ရှိရသည်။
စစ်ကောင်စီဘက်မှ စက်တင်ဘာ ၂၂ ရက်နေ့ ဖြစ်စဉ်နှင့်ပတ်သက်ပြီး သတင်းထုတ်ပြန်ချက်ဆိုသော စာတစ်စောင်ကို လူမှုကွန်ရက်တွင် ဖြန့်ဝေလာပြီး ယင်းထုတ်ပြန်ချက်တွင် မြေနီကုန်းဖြစ်စဉ် သည် အပြန်အလှန် ပစ်ခတ်မှုဖြစ်ကာ အမျိုးသား ၃ ဦးနှင့် အမျိုးသမီး ၁ ဦး ပစ်ခတ်မှုကြောင့် တိုက်ခန်းအတွင်း သေဆုံးနေကြောင်း၊ စစ်ကောင်စီဘက်မှ ၃ ဦးသေဆုံးပြီး ၅ ဦးဒဏ်ရာရရှိသည်ဟု ထုတ်ပြန်ထားသည်။
ရန်ကုန်ခေတ်သစ်ရရှိထားသော ဗီဒီယိုအထောက်အထားနှင့် လုံခြုံရေးဝန် ထမ်း၏ ပြောကြားချက်အရ အပြန်အလှန် ပစ်ခတ်မှုမရှိဘဲ စစ်ကောင်စီက ရည်ရွယ်ချက်ရှိစွာဖြင့် လူငယ် ၃ ဦးကို တိုက်ခန်းပေါ်မှ ဆွဲချကာ လမ်းဘေးတွင် ညှဉ်းပန်းနှိပ်စက် ပစ်ခတ်သတ်ဖြတ်ခြင်းဖြစ်ကြောင်း ဖော်ထုတ်ရရှိသည်။