မနေ ချောင်းခွတိုက်ပွဲတွင် ပြည်သူ့ကာကွယ်ရေးတပ်က ၃ ယောက်ကို စကစတပ်က ဖမ်းဆီးပြီးနောက် ၂ ယောက်ကို ပစ်သတ်
========
ယမန်နေ့ နိုဝင်ဘာ ၃ ရက်နေ့တိုက်ပွဲအတွင်း ကင်းတာဝန်ယူဆောင်ရွက်နေသော မိမိတို့ပူးပေါင်းတပ်ဖွဲ့များဘက်မှ ပ.က.ဖအဖွဲ့ဝင် ၃ ဦးသည် အကြမ်းဖက်စစ်သားများ၏ ဖမ်းဆီးခေါ်ဆောင်သွားခြင်းခံခဲ့ရပြီး ချောင်းခွရွာ စာသင်ကျောင်းအနီးတွင် ၂ ဦးပစ်သတ်ခံခဲ့ရ၍ ကျဆုံးသွားခဲ့ပြီဖြစ်ကြောင်း ဝမ်းနည်းစွာသတင်းထုတ်ပြန်အပ်ပါသည်။
ထို့ပြင် ယမန်နေ့ည ၇ နာရီ ဝန်းကျင်တွင် မင်းအောင်လှိုင်ကျေးကျွန်အကြမ်းဖက်စစ်သားများက ဟားခါးလေးကျေးရွာမှ အပြစ်မဲ့ပြည်သူ ၂ ဦးကိုလည်း ဖမ်းဆီးခေါ်ဆောင်သွားခဲ့ပါသည်။
လက်ရှိအချိန်ထိ မင်းအောင်လှိုင်လက်ပါးစေ လူသတ်အကြမ်းဖက်စစ်ကောင်စီတပ်ဖွဲ့များ နတ်ချောင်း ကျေးရွာအတွင်း တပ်စွဲနေရာယူထားပြီး ရွာအတွင်းနေအိမ်များကို မွှေနှောက်ဖျက်ဆီးမှုများ ဆက်လက်ပြုလုပ်လျက်ရှိကြောင်းသိရပါသည်လို့ People's Defence Force (Kalay) က ဒီနေ့တွင် နောက်ဆက်တွဲသတင်းထုတ်ပြန်ချက်မှာဖော်ပြထားပါတယ်။