ရထားလုံခြုံရေးရဲတပ်ဖွဲ့ဝင်လေးဦးကို ပစ်သတ်ပြီး သေနတ်များလုယူသွားမှုအလုံဘူတာအထွက်တွင်ဖြစ်ပွား
ဩဂုတ် ၁၄ ၊၂၀၂၁ (TRN)
မြို့ပတ်ရထားလုံခြုံရေး လိုက်ပါလာသောရဲတပ်ဖွဲ့ဝင်ခြောက်ဦးကို တစ်တွဲထဲအတူလိုက်ပါလာသူများမှ ဩဂုတ်လ ၁၄ ရက် ညနေ ၅း၀၀ နာရီတွင်သေနတ်ဖြင့် ပစ်ခတ်သဖြင့်ရဲတပ်ဖွဲ့ဝင်လေးဦးသေဆုံးပြီး သေနတ်လေးလက်ကိုပစ်ခတ်သူများကယူဆောင်သွားကြောင်းသိသည်။
ဖြစ်စဉ်မှာ ရဲတပ်ကြပ်မြင့်ဌေးပါတပ်ဖွဲ့ဝင်ခြောက်ဦးသည် မြို့ပတ်ရထားလုံခြုံရေးအဖြစ်နောက်ဆုံးတွဲမှ လိုက်ပါလာစဉ် တွဲအတွင်းအတူစီးနင်းလာသူများက အလုံဘူတာမှကြည့်မြင်တိုင်ဘူတာသို့ရထားထွက်ခွာစဉ် သေနတ်ဖြင့်ပစ်ခတ်သဖြင့် ရဲတပ်ဖွဲ့ဝင်လေးဦးအခင်းဖြစ်နေရာတွင်သေဆုံးကာ ကျန်နှစ်ဦးမှာလည်း ဒဏ်ရာများရသဖြင့် အမှတ်(၂)တပ်မတော်စစ်ဆေးရုံ(ကုတင်- ၅၀၀) သို့ ပို့ဆောင်ထားရပြီးပစ်ခတ်သူအကြမ်းဖက်သမားများသည် ရဲတပ်ဖွဲ့ဝင်တို့၏သေနတ်လေးလက်ကိုပါလုယူသွားကြောင်းသိရသည်။
အခင်းဖြစ်နေရာမှပစ်ခတ်ထားသောလျူဂါပစ္စတိုကျည်ခွံ ၁၇ ခုတွေ့ရှိခဲ့ကြောင်းသိရသည်။