Skylark Archives

ရန်ကုန်တဖက်ကမ်း တွံတေးမြို့ တွင် ယမန်နေ့ (မတ် ၁၃)က ဖြစ်ပွားသည့် စစ်ကောင်စီလက်နက်ကိုင်များ များ၏ အကြမ်းဖက်ပစ်ခတ်မှုကြောင့် သေဆုံးသူ ၄ ဦးအထိရှိလာပြီး ဒဏ်ရာရရှိသူ ၁၃ ဦးထက်မနည်းရှိ ကြောင်း ကူညီဆောင်ရွက်ပေးနေသော လူမှုရေးအသင်းနှင့် နီးစပ်သူ မြို့ခံတစ်ဦးက ပြောသည်။ ယမန်နေ့ နေ့လယ်၂ နာရီခန့်က လှိုင်သာယာမြို့နယ်ဘက်မှရောက်ရှိလာသည့် တပ်မ ၇၇ မှ စစ်ကား ၁၅ စီးခန့်က တွံတေးမြို့အတွင်း စစ်အာဏာရှင်ဆန့်ကျင်ရေးဆန္ဒပြနေသူများကို ဝင်ရောက်ပစ်ခတ်ခဲ့ရာ ၂ ဦးပွဲချင်းပြီးသေဆုံးပြီး ၁၀ ဦးကျော်ဒဏ်ရာရရှိခဲ့ခြင်းဖြစ်သည်။ ဒဏ်ရာရသူများထဲမှ ၅ ဦးကို ညနေ ၆ နာရီခွဲခန့်တွင် ပရဟိတ ကားများဖြင့် မင်္ဂလာဒုံစစ်ဆေးရုံသို့ အတင်းအကျပ်ပို့ဆောင်စဉ် ၂ ဦးထပ်မံသေဆုံးခဲ့ခြင်းဖြစ်သည်ဟု အထက်ပါမြို့ခံက ပြောသည်။  ယမန်နေ့ညပိုင်းက မင်္ဂလာဒုံစစ်ဆေးရုံပို့ဆောင်စဉ် ထပ်မံသေဆုံးသူနှစ်ဦးမှာ အသက် ၃၅ နှစ်အရွယ် ကိုမောင်ပိုင်နှင့် အသက် ၂၅ နှစ်အရွယ် ကိုလှမင်းသူတို့ဖြစ်ပြီး ယနေ့နေ့လယ်ပိုင်းတွင် အလောင်း ထုတ်ယူရန် အကြောင်းကြားလာခဲ့သည်ဟု မိသားစုဝင်များက ပြောသည်။ “အခုပဲအလောင်းသွားယူဖို့ပြင်ဆင်နေကြတာပါ။ အလောင်းပြန်သယ်ခွင့်ပေးလို့ အခုပဲ မိသားစုက မှတ်ပုံတင်ရယ်...

 မဂ်လာဒုံတွင် စစ်တပ်နှင့်ရဲက ညပိုင်းအင်တာနက်ပြတ်ချိန် ဝင်စီးနင်း၊ ၂ ဦး​​သေဆုံးပြီး အ​လောင်း ၁ ​လောင်းကို စစ်တပ်က ယူသွား ရန်ကုန်၊ မတ် ၁၂  ရန်ကုန်၊ မဂ်လာဒုံမြို့နယ် ၊ မြသီတာ ရပ်ကွက်ကို ယမန်​နေ့ ည ၁ နာရီ​ကျော် အင်တာနက်ပြတ်​တောက်ချိန် ဝင်​ရောက်စီးနင်း ပစ်ခတ်ခဲ့​ကြောင်း၊ ဦး​ကျော်ဇင်လတ် (ခ) ဦးရှည်ကြီး အသက် ၄၂ နှစ် ရင်ဘတ် ကျည်ဆန်ထိမှန်ကွယ်လွန်​ကြောင်း၊ ကွယ်လွန်သူတွင် သားသမီး ၂ ဦးကျန်ရစ်​ကြောင်း ​ဒေသခံများ၏ အဆိုအရ သိရှိရသည်။  ​​နောက်ထပ် ကင်းသမားတစ်ဦးမှာ သေနတ်ကျည်ဆန်ထိမှန်၍ ပုန်း​နေစဥ် စစ်တပ်က ဆွဲထုတ် ပစ်သတ်ပြီး အ​လောင်းယူသွား​​ကြောင်း၊ ကျည်ခွံများပြန်​ကောက်ယူသွားပြီး ​သွေးများကိုလည်း ​ရေဖြင့်​ဆေးချသွား​​ကြောင်း ကျည်ဆန်ထိမှန်သူ ၅ ဦး ဒဏ်ရာရရှိ​ကြောင်း သိရှိရသည်။

မကြယ်စင်၏ ရုပ်အလောင်းကို ခွဲစိတ်စစ်ဆေးပြီး ပြန်ထားသွားကြောင်း ယူနန်သုဿန်အတွင်းနေထိုင်သူတွေကပြောသည်။ မတ်လ၃ရက်နေ့က ဦးခေါင်းကျည်မှန်ဒဏ်ရာနဲ့သေဆုံးခဲ့ပြီး မတ်လ၄ရက်နေ့က ဂူသွင်းသဂြိုလ် ခဲ့သူ မကြယ်စင်ရဲ့ ရုပ်အလောင်းကို မှုခင်းဆရာဝန်၊ရှေ့နေအပါအဝင်ရဲနဲ့စစ်တပ်ပူးပေါင်းအဖွဲ့က လာရောက်တူးဖော်ကာခွဲစိတ်မှုလုပ်ခဲ့ကြောင်း မျက်မြင်သက်သေများကပြောသည်။ "ခေါင်းကိုခွဲစိတ်တယ်။ပြီးတော့ လက်တစ်စစ်လောက်ရှိတဲ့အရာတစ်ခုတွေ့တယ်ဆိုတဲ့အသံကြားလိုက်တယ်။ကျွန်တော်တို့ကအဝေးကဆိုတော့ ဘာလဲဆိုတာသေချာမမြင်လိုက်ရဘူး"ဟု သုဿန်အတွင်းနေထိုင်သူတစ်ဦးကဆိုသည်။ မနေ့ညနေ လေးနာရီခွဲအချိန်ခန့်ကအဆိုပါပူးပေါင်းအဖွဲ့တွေရောက်ရှိလာပြီး သုဿန်တံခါးများအကုန်ပိတ်ကာ သုဿန်ဝန်ထမ်းများကို ဓာတ်ပုံ၊ဗီဒီယိုမရိုက်ရန်နှင့်အနားမကပ်ရန် သတိပေးမှုများပြုလုပ်ခဲ့သည်ဟုဆိုသည်။ ည၇နာရီအကျော်တွင် မကြယ်စင်၏ ရုပ်အလောင်းကို ဂူအတွင်းပြန်လည်ထည့်ပေးကာ စစ်ကားနဲ့ရဲကားများက ကျေးရွာအတွင်းကဖြတ်မပြန်ဘဲ လမ်းလွှဲမှ ပြန်သွားကြောင်းသိရသည်။ ၄င်းတို့ပြန်ပြီးနောက် အုတ်ဂူနံဘေး၌ သွေးစွန်းနေသောလက်အိတ်များ၊ခွဲစိတ်ခန်းသုံး အကျီ်၊ဖိနပ်တို့ ကိုတွေ့ရကြောင်း ဒေသခံများကပြောသည်။ မတ်လ၃ရက်န...

မန္တလေးမြို့ ၈၄ လမ်းနှင့် လမ်း ၃၀ ရှိ စစ်အာဏာရှင် ဆန့်ကျင်ရေး တပ်ပေါင်းစုသပိတ်စစ်ကြောင်းကို စစ်ကောင်စီ၏ လုံခြုံရေးတပ်ဖွဲ့ဝင်များက အကြမ်းဖက်ဖြိုခွင်းရာတွင် ကျည်အစစ်ဖြင့် ပစ်ခတ်သဖြင့် ပြည်သူနှစ်ဦးသေဆုံးပြီး အခြား ၈ ဦး အပြင်းအထန် ဒဏ်ရာရရှိခဲ့သည်။ စစ်အာဏာသိမ်းမှုကို ဆန့်ကျင်ဆန္ဒပြနေသော ပြည်သူများကို ယနေ့ (မတ် ၃) နံနက် ၁၀ နာရီဝန်းကျင် တွင် မျက်ရည်ယိုဗုံးများဖြင့် စတင်ဖြိုခွင်းခဲ့ပြီး နေ့လယ် ၁၂ နာရီဝန်းကျင်တွင် ကျည်အစစ်ဖြင့်ပါ ပစ်ခတ်ဖြိုခွင်းခဲ့ခြင်းဖြစ်သည်။ ထိုသို့ ကျည်အစစ်ဖြင့် ပစ်ခတ်ဖြိုခွင်းမှုကြောင့် လမ်း ၈၀ တွင် နေထိုင်သူ အသက် ၁၉ နှစ်အရွယ် မကြယ်စင်မှာ ဦးခေါင်းကျည်ထိမှန်ခဲ့သည့်နည်းတူ အသက် ၃၇ နှစ်အရွယ် ကိုမျိုးနိုင်လင်း(ခ)ဖိုးလင်းမှာ လည်း ရင်ဘတ်ကို ကျည်ထိမှန်ခဲ့ပြီး ၎င်းတို့နှစ်ဦးလုံး အပစ်ခံရသည့်နေရာမှာပင် သေဆုံးခဲ့သည်ဟု ဗြမ္မစိုရ်လူမှုကူညီရေးအသင်းထံမှ သိရသည်။ မန္တလေးမြို့တွင် ဆန့်ကျင်ရေးတပ်ပေါင်းစုသပိတ်စစ်ကြောင်းကို လက်နက်ကိုင်တပ်ဖွဲ့များက အကြမ်းဖက်ဖြိုခွင်းနေစဉ်။ ထို့ပြင် အကြမ်းဖက်ပစ်ခတ်ဖြိုခွင်းခံရမှုအတွင်း စစ်အာဏာရှင်ဆန့်ကျင်ရေး ဆန္ဒပြနေသူ အခြားသူ ၈ ဦးမှာလည်း ဒဏ်ရာအပြင်းအထန်ရရှိခဲ့ပြ...