ရန်ကုန်မြို့၊ ဗိုလ်ချုပ်လမ်းမပေါ်တွင် မိုးသည်းထန်စွာ ရွာနေသည့်ကြားမှ စစ်အာဏာရှင် ဆန့်ကျင်ရေး မြို့နယ်ပေါင်းစုံသပိတ်စစ်ကြောင်းသည် ယနေ့ (ဧပြီ ၃၀ရက်) နေ့လယ်ပိုင်း၌ ချီတက်ဆန္ဒပြခဲ့သည်။ ယင်းသပိတ်စစ်ကြောင်းတွင် သင်္ဃန်းကျွန်း၊ မြေနီကုန်း(စမ်းချောင်း)၊ လှိုင်၊ မင်္ဂလာတောင်ညွန့် စသည့် မြို့နယ်အသီးသီးမှ လူငယ် ၂၀၀ ဝန်းကျင် ပါဝင်ခဲ့ကြသည်။ "ဆက်လက်ပုန်ကန်နေမည့် ရန်ကုန်" ၊ "အပီဝုန်းမယ့် မြေနီကုန်း"၊ "လုံးဝအုပ်ချုပ်ခွင့်မရစေရ" စသည့် စာတန်းများကိုင်ဆောင်၍ ဒီမိုကရေစီ ရရှိရေး၊ စစ်အာဏာရှင်ဆန့်ကျင်ရေးနှင့် ဖမ်းဆီးခံခေါင်းဆောင်များလွှတ်ပေးရေး ဆန္ဒပြကြွေးကြော်ခဲ့သည်။ ရန်ကုန်မြို့တွင် စစ်ကောင်စီ၏လက်နက်ကိုင်အဖွဲ့က အကြမ်းဖက် ပစ်ခတ်ဖမ်းဆီးမှုများ ရှိသော်လည်း မြို့နယ်အသီးသီး၌ ပြောက်ကျားပုံစံဖြင့် စစ်အာဏာသိမ်းပြီး ၈၉ ရက်ရှိသည့်တိုင် ဆန္ဒပြမှုများ ဆက်လက်ပြုလုပ်လျက်ရှိသည်။ အဆိုပါမြို့နယ်ပေါင်းစုံသပိတ်စစ်ကြောင်းကို ယနေ့ မွန်းတည့် ၁၂ နာရီဝန်းကျင်၌ ရဲနှင့်စစ်သားများက လာရောက်အကြမ်းဖက်ဖြိုခွင်းခဲ့ပြီး လူငယ် ၄ ဦးခန့် ဖမ်းဆီးခံလိုက်ရကြောင်း ပူးပေါင်းပါဝင်ခဲ့သူတစ်ဦးက ပြောသည်။ (ဓာတ်ပုံ- C...
နွေဦး တော်လှန်ရေး မှတ်တမ်းများ